Yiqbişka con xoragbı xətdabı vod. Xink`albıd yiqbişıs geed ı`kkiyanne xoragbişin sabı vod. Xink`albı yarpağ xhine k`üvəda gırgalened formal exhe. Manbı ha`as har eyhene zəifəyse deş əxhə. Mançıne hək`e Suvagılliy Nezire şec opk`un:
Кубуте урва алищу, гьыъыда,
Гапал` сайхыI? кIумкIумейхъа кIиъыда.
Мырт уIвхуIмей тессейхъа алхъыъыда,
Ыхьада чике кут` хинкIалбы.
Ай джан мама-огълий, УIмар, вушинбыд,
Эгье, гьайнахуIдне эйхье хинкIалбы?
Мед тезал`дан кIумкIумейхъа кIиъыда,
Авхъа зы лап хьадда цIайид хъыъыда.
Кубуте дюбараада алхъыъыда.
Ыхьада гьекуй-гьалакуй хинкIалбы.
Ай джан мама-огълий, УIмар, вушинбыд,
Эгье, гьайнахуIдне эйхье хинкIалбы?
Kubute urva alişu, hı`ıda,
Gapal sayxı`, k`umk`umeyqa k`iıda.
Mırt üvxümey tesseyqa alqı`da,
Ixhada çike kut xink`albı.
Ay can mama-oğliy, Ümar, vuşinbıd,
Ehe, haynaxüdne eyxhe xink`albı?
Med tezaldan k`umk`umeqa k`iıda,
Avqa zı lap xhadda ts`ayid qı`ıda.
Kubute dyubaraada alqı`ıda.
Ixhada hekuy-halakuy xink`albı.
Ay can mama-oğliy, Umar, vuşinbıd,
Ehe, haynaxüdne exhe xink`albı?
(Şair Nezire gaf ha`a, manbışəng`ə cona gohar I`mar arıme mangve cune xhunaşeyle eyhen: xink`albı he`e. Hiiyn xink`albı mang`usqa yugda qayle deş. Manbı it`umda, gurubu xhine exhe. Xhunaşeyle eyhen: yera manbı sık`ıldad qoxhar he`e. Mane əral mangve I`mərıke qidğın ha`an: şüng`əyid inyəxüdne ha`a xink`albı? Sabara vaxtıle zəife erimişedxhayn hekuyk akaran xink`albı qadayle. Şairı`ıle g`ecen xhunaşeyse yugun xink`albı ha`as əxhı deşud. Mangve meed qidğın ha`an I`mərıke: şüng`əyıd həynəxüdne ha`a xink`albı? Mani şeç`ika mang`us ehes ıkkanan, həkedad har eyhene insanna iş deş vob yugun xink`albı hı`iy).
Yiqbişde otxhuniybişin sabarabı:
Hink`ıler, ts`int`bı, t`elebı, bırcəhı, gırts`bı, xink`albı, q`uts`ar, maxxvarabı.
